Fundi i një lidhjeje .është gjithnjë fillim i një aventure

[FaNNi]

Fundi i një historie dashurie të lë gjithmonë në mes të dilemave, një nga të cilat është: Po tani kur ta shoh në rrugë? Jo të gjitha historitë mbarojnë me një “ish”, por shumë shpesh ndodh. Atëherë problemi është si veprohet më pas. Pyetja: cili është raporti që do të kem tani me “atë”?
Fundi mund të jetë i hidhur (edhe kjo është njëlloj kënaqësie (!) nëse duam), por shpesh ndodh që konfliktet të zgjasin me muaj, me fjalë të rënda dhe situata të pakëndshme.



Nga dashuria në urrejtje

Dhuna e ndarjes shpesh është e pakontrollueshme. Si mund të kalohet kaq lehtë kufiri mes dashurisë dhe urrejtjes? Kur dashuria humbet, a mundet të paktën të ruajmë marrëdhëniet e mira? Zakonisht, përpara se të kërkosh të krijosh një raport me ish-in nevojitet të “tresësh” historinë e kaluar; vetëm pasi të ketë kaluar kjo fazë mund të mendohet për hapjen e një komunikimi me tjetrin. Çdo ndarje ka rrethanat e veta, zgjidhja gjendet në varësi të tyre dhe karakterit të secilit. Reflektimi dhe qetësia shpirtërore janë dy kushtet esenciale.

Merr kohën që të duhet

Kushdo që ta ketë vendosur ndarjen nga të dy, koha është busulla më e saktë për të treguar se ç’duhet të bësh. Një pauzë e gjatë refleksioni është ndonjëherë e domosdoshme, pa u takuar dhe pa folur. Nëse vendos ta ruash raportin, duhet t’ia shprehësh qartë ish-partnerit atë çfarë ndien dhe të respektosh zgjedhjen e tij për të vazhduar një lidhje miqësore ose jo.

Mënyra e duhur
Shmang xhelozinë: kur një histori mbaron, është normale që të kërkosh dikë tjetër. Në mënyrë racionale duhet pranuar se vendin tënd do ta zënë njerëz të tjerë: xhelozia është gjithmonë burim i gjendjeve të kë**** shpirtërore (kujtoni Otellon). Fillo të mendosh për të gjitha ato gjëra që të sjellin kënaqësi dhe të bëjnë aktiv me veten dhe të tjerët; roli i viktimës nuk sjell shumë përfitime dhe asnjeri nuk do të vijë të të shpëtojë: je ti ai që do të shpëtosh vetveten. Nëse vendos të takohesh me ish-in, përgatitu të shohësh tek ai/ajo një person të ri, që nuk ka më lidhje të ngushtë me jetën tënde. Mos hap debate apo diskutime mbi të kaluarën, informohu mbi aktivitetet e reja në jetën e tij/asaj dhe tregoi për jetën tënde.

Miqtë e rinj

Ndonjë ditë do të takoheni në shoqëri të miqve të rinj që keni zënë: e rëndësishme është të ruani një sjellje normale të përshtatur me situatën. Shmangni paragjykimet apo reagimet e sforcuara për t’u dukur se nuk ju bën përshtypje.