Nyjet zgjidhen-poezi nga libri im

[GjeniHacker]

ketu do te keni mundesine te lexoni poezite e librit tim te pare te titulluar"nyjet zgjidhen"

[GjeniHacker]

NYJET ZGJIDHEN


Koha
Na përplasi në fytyrë
Përbuzjen e dashurisë
E dhembjet lidheshin nyje
Por një ditë kuptuam
Se nyjet zgjidhen
Me hir a me pahir
Ëndërrat tona
Prore lidheshin për kohën
E ti thoshe:
Për dashuri
Ia vlen barra qiranë
E dashuria
Dashuria na mallkoi
Në rini…

[GjeniHacker]

KUSH DO T′NA KËNDON


Pse
Zoti mallkoi
Dashurine
Rininë
Njerëzinë


Zemrat qahen
Djajtë kërcejnë
Nostalgjia këndon
Kush do t′na këndon
Mbi varre një ditë

[GjeniHacker]

KUR…


Kur vdes lulja
Ç′të duhet uji

Kur vdes bukuria
Ç′te duhet hijeshia

Kur vdes aroma
Ç′të duhet kutërbimi

Ç′të duhen të tjerat
Kur dashuria varroset

[GjeniHacker]

JETËS


Më theri zemra
Për pak
Desh bërtita
E tmerrshme
Nuk dija nga vija
Për se kisha ardhur
Të kërkova të falur
Me miliona herë
Të përgjeroj përsëri
Më dëgjove a s′më dëgjove ti
Vallë ti sikur je verbuar
Megjithatë unë jam në ty
__________________

[GjeniHacker]

DYLUFTIM


Buzëqeshjet u veniten
Loti u nis

Bukuria u zhduk
Shëmtia në shesh

Jeta kundër vdekjes
Vdekja me jetën

I vdekuri kundër të gjallit
I gjalli me të vdekurin

Unë kundër vetmis
Vetmia me mua
__________________

[GjeniHacker]

ShKENCORE


Bota me rrota
Njerëzit robota
Fjalët e kota
Laboratore të dashurisë
Lumenjtë me hi
Digjen e piqen
Mendjet njerëzore
Në eksperimente shkencore

[GjeniHacker]

BOTA U PËRMBYS


Dikur ishim të pandarë
Jetonim si në përralla
Bota sillej rreth nesh
Për çudi sa tmerr
Lamë parajsën
Erdhëm në ferr
Një ditë bota u përmbys
Tash prej fillimit me ia nis
Asgjë s′na leverdis
Bota u përmbys

[GjeniHacker]

ZhURMË E HEShTJES


Zemrat thyheshin
Heshtja bëhej zhurmë
Zhurmë e heshtjes

Shpirti pushtohej
Nga nostalgjia
Vetmia e dashuria

Rreth e rrotull
Heshtje varri
Në zemrën time
Zhurmë e heshtjes
Zhurmë e vdekjes

[GjeniHacker]

GjARPËRI


E pashë atë gjarpër
M’u fut lepuri në bark
S’e dija që gjarpëri
Mund të bëhej aq lak

Ai sillej përreth
Unë s’lëvizja dot
Më ishin lidhur këmbët
Isha shtangur në vend

Papritur dëgjova një ulërimë
Një klithje të tmerrshme
Gjarpëri m’u lidh
Në trup si zingjirë

[GjeniHacker]

DUA…


Dua të jem hënë
Të humburve
Rrugën t’ua ndriçojë

Dua të jem yll
Natën të bëj dritë
Njerëzimit t’i fal rritë

Dua të jem këngë
Të gjithë le t’më këndojnë
Hareja ime le të triumfojë

[GjeniHacker]

SI SYTË E QIELLIT


Si sytë e qiellit
E bukur ajo kukull
Madhështore
Qante kur lindi
Kush e di
Në ishte penduar
A ishte gëzuar
Udhëtimin
Në këtë botë magjike
Kur e kishte filluar

[GjeniHacker]

EJA

Eja-më dashuro
Eja-më përqafo
Eja-dorën e zemrës zgjatma
Eja-shpresat m’i fal
Eja-ëndërrat m’i ngall
Eja-mos më lë të pres
Eja-mos u vono
Eja sot,jo nesër

[GjeniHacker]

LART NË QIELL


Në qiell
Unë ti dhe yjet
Shndrisnim çdo natë
Rrugës për në parajsë

Të gjithë yjet e vetmuar
Zhduken nën dritën tonë
Përgjithmonë do të jemi pranë
Të pandarë

[GjeniHacker]

QIELLIT TË LUMTURISË


Jetonim qiellit
Si dy zogj në parajsë
Më në fund braktisëm ferrin
Fluturuam qiellit të lumturisë

Të gjithë lakmojnë
Në parajsën tonë
Por atje s’ka vend
Për ata që tradhëtojnë

[GjeniHacker]

NË MESNATË


Natë e qetë
Zemra kishte shtërnagtë
Ti s’ishe aty
Shpirti ku më lotonte
Dëshiroja të të shihja
Se nostalgjia më këndonte për ty
Doja të m’i zgjasje
Duart e zemrës sate
Të mos më lije
Në atë shtërngatë
Në mesnatë

[GjeniHacker]

UNË TY TI MUA

U pamë në sy
Për një cast atë natë
Zemrat na rrahën
Si të çmendura

Sikur kishim lindur
Për syri syrin
Ishim parë edhe një herë
Por atëherë s’ishte verë

Tash merr guxim
Në mos me fjalë
Më thuaj në heshtje
Më do të dua
Unë ty ti mua

[GjeniHacker]

LAMTUMIRË


Muret heshtën
Dhoma ra përgjumur
Errësira si errësira
Xhelati i përhershëm

Ti s’ishe aty
Ike me një fjalë
Dhe njëmijë e një kujtime
Që mbetën rreth nesh

Ike
Mendove që bëje mirë
Veç një fjalë kishe mësuar
Lamtumirë!

[GjeniHacker]

NË MËDYShJE


Të dua
S’të dua

Të urrej
S’të urrej

Më do
Apo s’më do

Më urren
Apo s’më urren

Ke zemër të thyer
A kam zemër të pëlcitur

Pse s’mund ta dijmë
Pse shpirtrat qetë s’na rrinë