Vera rozes e bibotekes

[Ma-Origano]

Në sallën e madhe, të mbushur me skedarë bën shumë vapë. Njerëz që hyjnë e dalin. Fatmirësisht ka energji elektrike dhe ka shanse që librat e kërkuar të ngjiten prej rafteve të nëndheshëm. Në të kundërt, duhet t’i bindesh orareve të KESH-it. Duhet të presën deri në katër orë. Biblioteka Kombëtare nuk bën përjashtim nga familjarët, apo institucionet e tjera, që në orën 13.00 zbrazet nga punonjësit e administratës. Ndryshe nga ç’mund të mendohet, vera është një stinë e ngarkuar për punonjësit e bibliotekës. Barometri i institucionit kombëtar tregon të kundërtën e librarive. Duket se njerëzit preferojnë t’i marrin “hua” librat e jo t’i blejnë. Eni, një nga punonjëset e “banakut” thotë me bindje se puna është rritur ndjeshëm gjatë muajve të nxehtë. Sipas saj, çdo ditë tërheqin libra 100-120 anëtarë të Bibliotekës. Kategoritë që e frekuentojnë më së shumti janë adoleshentët dhe lexuesit që i përkasin moshës së tretë. Por më së shumti të parët, që gjatë verës kanë më shumë kohë për të lexuar. Të veshur shpengueshëm, me ndonjë çantë në kurriz, me pantallona e atlete, kërkojnë në skedarët elektronikë, apo në ata tradicionalë, mbushin fletëkërkesa e presin librat e tyre. Kjo pamje të kthen optimizmin. Nuk qenkësh e vërtetë që të rinjtë nuk lexojnë. Por, biblioteka ndërkohë është vendi ku mund të zbulosh evoluimin e shijeve të të rinjve. “Librat që kërkohen më shumë janë ata të autorëve Danielle Steel, Dan Broën e Brunilda Zllami. Nuk ka ditë që të mos ketë kërkesa për këta autorë”, - thotë punonjësja e bibliotekës. Duket se të rinjtë preferojnë librat rozë, romancat e dashurisë, apo trillet e bujshme, ku përzihen bashkë shenjtorë, ëngjëj, djaj e të tjera mistere. Duket se librat best seller janë të tillë kudo. Shijet e lexuesve qenkërkan të njëjta. Steel dhe Broën janë të lexuar në gjithë botën. Shumica e libërkërkuesve preferojnë të lexojnë në ambjente shtëpiake, por ka shumë syresh që frekunetojnë sallën e leximit.
Salla e katit të dytë, si gjithnjë e heshtur ka “klientët” e përhershëm. Janë studjuesit, albanologët. Lexues, kryesisht të moshës së tretë, që ulen çdo ditë në të njëjtat tavolina. Por dje në mesditë edhe salla e leximit në katin e parë ishte e tejmbushur. Lexues të të gjitha moshave që lexonin libra artistikë, apo shfletonin gazeta. Këta të fundit tashmë janë bërë të përditshëm. “Shtypi i ditës dhe periodikët janë shumë të kërkuar. Ka shumë të interesuar për çështjet e pronave, të cilët shfletojnë gazetat për të marrë më shumë informacion për këtë problem”, - thotë punonjësja, teksa shton, që vetëm pak minuta më parë, një anëtar kërkoi numrat e një jave të gazetës “Shekulli”. Ndryshe nga punonjësit e administratës, ato që janë në komunikim të drejtpërdrejtë me lexuesin, punojnë me oraret e zakonshme. Megjithatë ndihen disi më të lehtësuara tani që janë vënë në funksionim edhe skedarët elektronikë. Anëtarët e bibliotekës tashmë janë më të orientuar. Tek disa kompjutera të vendosur në krye të sallës së madhe, të interesuarit mund të kërkojnë librat e dëshiruar. Një mënyrë shumë më e thjeshtë për të gjetur vendndodhjen në arkivat e nëndheshëm, përkundrejt kërkimit nëpër skedarë. Më shpejt dhe më saktë. Po tashmë ky shërbim ofrohet edhe përmes internetit. Prej disa muajsh Biblioteka Kombëtare ka një faqe zyrtare interneti (ëëë.bksh.al), ku mund të marrësh informacion më të plotë rreth bibliotekës, rreth historikut, departamenteve. Por ç’është më e rëndësishmja dhe më utilitarja është gjetja e librave on line. Tashmë një lexues mund ta mësojë nga shtëpia nëse libri që ai dëshiron është në bibliotekë, pa u munduar të shkojë deri atje. Por fatkeqësisht jo të gjithë kanë dijeni për ekzistencën e kësaj faqeje interneti. Por ka edhe nga ata që nuk kanë mundësi ta hapin për shkak të mungesës së një kompjuteri, apo të internetit. Gjithsesi ky shërbim i ofrohet lexuesit dhe mësohet se në të ardhmen do pasurohet me të tjerë skedarë, që ende nuk figurojnë në katalogun on line.

[Mr.b3sii]

Flm tung