Arti DESIGN

[Ma-Origano]

Biografia e Jeton Vorfit



Gjatë studimeve të Mjekësisë në Univerzitetin e Rijekës, Jeton Vorfi njëkohsisht u angazhua në kurset e shkollës së vallëzimit klasik, modern, xhez baletit, pop vallezimeve dhe ato latino – amerikane.
Ai nga Kroacia u kthye si mjek me një pergatitje të lartë profesionale dhe si vallëzues e koreograf me një rejting të lartë në botën e vallëzimit "Art design"’, prishtinasit me te drejtë e quajnë maestro i vallëzimit modern ndërsa gruaja e tij mendon se është bërë si Gili - Idol I fëmijëve. "
Kur filluat ti kushtoheni vallezimit dhe sa haste ne perkrahje derisa ishit ne Kroaci ?


Jetoni: Vallëzimin e kisha pasion shpirtërorë që kur isha nxënës. Në Gjakovë jam paraqitur në shumë manifestime rinore bashkë me motren time Almen ku edhe bëra hapat e parë. Atëbotë vallëzimi im nuk kishte ndonje koreografi origjinale, por imitim i ndokujt që kisha shiquar në ekran. Ne Kroaci më është ofruar mundësia që talentin dhe vullnetin tim ta prefeksionoj ose më mirë të them ta shkolloj.

Gjate luftës në Kroaci edhe pse në Rijekë nuk ndihej atmosfera e luftës, shumë solist të ansamblit shtetërorë të baletit ‘’Ivan Zajec’’ ne Rijekë kryesisht nga Hungarija ,Sllovenija e Italija e e braktisen ansamblin. Andaj prijesit e ansamblit u detyruan që të gjejnë zëvëndesime, në mesin e tyre u gjenda edhe unë përderisa vijoja kursin e baletit modern. Ne kete ansambel qendrova nje kohë të gjatë e më pas vazhdova me vallëzime moderne në grupin ‘’ Ronde”. Por duhet të potencoj se baleti klasik është baze e çdo vallëzimi dhe se duhet ta vijoj çdokush që mendon një të nesërme të mirret profesionalisht me këtë art.

Në një intervistë thuhet se në Kroaci keni qenë i angazhuar si manekin , si u ndërlidh një situat e tillë ?

Jetoni: Falë imixhit tim – flokët e gjata, vrazhdësia e fetyrës si dhe lëvizjet e kordinuara skenike, u gjeta në skenën e modes. Duhet të pohoj se një gjë e tillë ka qenë e pa parshikuar, por që ndodhi ne rastin kur në manifestimin e zgjedhjes së këngës së ‘’Evrovizionit 92’’, me dëshirën e sajë jam takuar me drejtoreshën e agjensisë së modës ‘’Art Design’’ e cila insistoi që unë të punoja si model në agjensinë e saj. Një gjë të tillë as që e kisha ëndrruar ndonjëherë më parë por ja që ajo më dha mua guxim dhe më bindi se i plotësoj të gjitha kushtet që të filloj si model në këtë agjensi. Duhet të pranoj se ishte knaqësi të punoja si model në një agjensi e cila mblidhte rreth vetes dizajner të njohur të Evropës. Përveç defilimeve modelare kam gjiruar një spot për prafemin ‘’Ametist ‘’ dhe ‘’Genius’’ për një kanal televiziv Kroat nga një agjensi gjermane të cilën e udhëhiqte z. Hofbauer. Mirëpo puna si model kërkonte obligime të shumëta dhe gjithmonë ishim ndër direktivat e të tjerëve, gjë që me pengonte shumë. Pas gjashtë muajve jam terhequr por me vete kam ruajtur një përvojë të madhe për moden dhe mbi të gjitha suksesin, vetëbesimin dhe optimizmin, tri komponentet kryesore që i nevojiten çdo të riut kur dëshiron të startoj me diçka të re në një vend kur çdo gjë po shuhej. Kjo ishte arsyeja pse studio e ime e vallëzimit e mban emrin e agjensis së modes Art design, emër ky që mban në vete një histori dhe sukses përsonal.

Kur njeriu i ndëgjon të gjitha këto, sikur fiton përshtypjen se st udimet e mjekësisë
mbeten në plan te dytë …. e pyesim Jetonin?

Jetoni: Jo, gaboni! Në asnjë moment nuk e kam lënë në plan të dytë studimin, qëllimin tim kryesorë, për cfarë kisha shkuar në Rijekë. Mbase dëshmija më e mirë për këtë është se studimet i kam kryer për pesë vite e gjysmë me notë mesatare mjaft të mirë. Në fakt, kam qenë anëtarë i grupit ‘’4 plus’’ ku bënin pjesë vetëm ata studentë që kishin mesatare të lartë, e të cilët gëzonin benificione të larta nga Univerziteti madje edhe stipendi nga ana e shtetit. Të gjitha keto i arrita me një angazhim të madhe e mbi të gjitha me respektimin maksimal dhe me përpikëri të orarit të punës. Dita ka qenë e rezervuar për angazhimet dhe mësimet në fakultet, ndërsa mbremja për vallëzim, i cili më ka ndihmuar shumë që mos t'a ndiejë nostalgjinë e tepruar për vendlindje dhe për familje, shokë të fëmijërisë siç ndodhë tek ata të cilët studijojnë larg vendëlindjes.

Si e spjegoni faktin se tani si mjek I diplomuar merreni me vallëzim?


Pasi që jam kthyer në Gjakovë me është dashur të pres një kohë të gjatë që të punësohem si mjek, sepse pushteti i atëhershëm serb nuk pranonte diplomë Kroate sepse ishin në luftë mes vete. Në nderkohë përjetova vdekjen e pa pritur të babait, gjë që më obligoj të angazhohem për sigurimin e bazës materiale për familjen time. Ideja për hapjen e shkollës së vallëzimit ishte reakcion i ndërdijes sime. Mbase kombinim i pazakonshëm manteli i bardhë në pistën e vallëzimit por ja që edhe kjo e plotëson njeriun në profesionin dhe në rrugën e jetës.

Kur keni filluar për herë të parë në Gjakovë, dhe sa ka qenë interesimi i të rinjëve ?

Shkolla e vallëzimit ‘’Art Design“ filloi punën në Shtator të vitit 1995. Ishte zotëri Salim Bytyqi, Drejtor i shkollës "Zekerija Rexha", që më ndihmoi dhe mi hapi dyert e kësaj shkolle për mua dhe nxënesit e mi. Që nga dita e parë interesimi ishte mjaft i madhë mirëpo shumica e anëtareve ishin skeptik në fillim sepse nuk mund të besonin se në Gjakovë ne kushte të tilla qfare ishim po fillonte një aktivitet i tillë, si dhe në anën tjetër une isha një fetyrë e re për të gjithë ata, dhe nuk mund t'a kuptonin se çfar mund të ju ofroja. Mirëpo një dilem e tillë nuk zgjati shumë sepse ne filluam punen tonë dhe pas gjashtë muaj startaum me spektaklin e parë të vallëzimit modernë në Gjakovë që ishte mbajtur ndonjeherë në historin e saj. Publiku ka qenë i fascionuar me një program të tillë në të cilën defiluan 80 valltarë (te rinjë dhe femijë ) me 12 koreografi vallëzimi. Për kuriozitet dua te ceki se pasi ka perfunduar spektakli tri herë është lëshuar dhe ngritur perdja ndërsa publiku nuk largohej nga salla. Njëri ndër shikuesit me tha: "Faleminderit qe na solle Evropen ne sallen e pallatit te kultures ne Gjakove."

Cilat janë rregullat e shkollës dhe cilat vallëzime i kultivoni?

Kursi zgjat gjashtë muaj, të drejt vijimi kanë fëmijët mbi moshën shtatë vjeçare dhe të rriturit deri në moshën 30 vjeçara. Mirëpo mosha tek të rriturit nuk është faktorë i rëndësishëm. Pas gjashtë muaj organizoj spektakël promovues ku marrin pjesë të gjithë ata të cilët kanë vijuar kursin në menyrë që të gjithë të shohin punën tonë gjashtë mujore. Përndryshe shkolla e vallëzimit ka ekipen standarte të fëmijeve dhe të të rriturve të cilët janë të avansuar dhe me ta paraqitem nëpër manifestime dhe gjirime të ndryshme.

Duhet të ceki se pas përfundimit të kursit gjasht mujorë, ata të cilët janë të talentuar dhe që kanë deshirë të vazhdojnë me vallëzim për një kohë më të gjatë kalojnë në grupin standart. Përndryshe në shkollë kultivohen të gjitha llojet e vallezimeve mirëpo me grupin standart me tepër jemi përcaktuar në muzikën
latino - amerikane por në formë të stilizuar.

Nëpër skena gjithmonë paraqiteni me risi, si dhe me një kostumografi mjaft atraktive. Kush qëndron prapa këtyre ideve dhe kush ju siguron bazën materiale?

Barrën e të gjithë koreografisë e barti unë mirëpo të drejtë kanë edhe anëtaret e grupit që të sjellin idetë e tyre. Perndryshe koreografia për mua nuk është aspak problematike dhe as që ka qenë ndonjëherë më parë.

Sa i perket bazës materiale – gjithmonë ka qenë dhe mbetet problem kryesor por jo edhe si shkas që ne të mos e vazhdojmë aktivitetin tonë. Edhe pse ne kemi parashtruar kërkesën për sponsor ne ende nuk e kemi financuesin tonë. Të gjitha shpenzimet per spektaklet e vallëzimit dhe shpenzimet kostumografike i barti vet nga të hollat që arrijë t'i mbledh nga vijuesit e kursit dhe kështu mundohem që të krijoj kushtet për një improvizim kualitativ vizual. Edhe sa do të kem mundësi të vazhdojë në këtë menyrë mbetet një pyetje e madhe!


Për fund a mund të na thuani se cili është Jeton Vorfi në jetën private dhe
cilat janë aspiratat tuaja për të ardhmën?

Unë jam njëri familjar, jetoj me shoqën Bleten dhe djalin Valonin (i cili më ka lindur në Shqipëri gjatë kohës së luftës) në bashkëjetës me nënën dhe vëllaun. Përndryshe jam 32 vjeqar në specializim dhe punoj në dhomen e emergjencës në Qendrën Spitalore të Gjakovës.
Gjate kohes se pushtimit serb gjdo gje kemi mbajt me forcat tona dhe kemi shpresuar se pas luftes gjerat do te ndryshojn por nuk po shoh qe po ipet ndonje perkrahje financiare atyre te cilet mirren me kete lloj te artit sepse nga kjo do mvaret edhe puna jone e metutjeshme